Chariot oorweeg hertoetrede in Namibië

Chariot Energy, wat in Londen genoteer is, kyk na ‘n moontlike hertoetrede tot Namibië. Dit kom na die maatskappy in Augustus 2017 onttrek na hy seismiese opnames aflandig in die Oranje-bekken in blokke 2714A en 2714B voltooi het. Hy het destyds gesê dat sy data gelei het tot belangstelling in die industrie maar dat die tegniese risiko verbonde daaraan vennote afgeskrik het. Chariot sê hy het ‘n opbrengs van £5,4 miljoen Britse pond ingesamel ná ‘n suksesvolle aandeelplasing.