Seewater-landbouprojek by Lüderitz soek omgewingsklaring

‘n Omgewingsimpakstudie-aansoek sal deur GMK Construction ingedien word vir ‘n geïntegreerde seewater-landbou- en mariene mikroalge-projek in Lüderitz. Die projek sal 10 hektaar beslaan en het ten doel om ‘n slim landboufasiliteit te vestig wat op mariene mikroalge fokus. Die perseel kan bereik word via die B4-teerpad en ‘n grondpad na Diazpunt. Belanghebbende en geaffekteerde partye moet teen 20 Desember registreer en kommentaar lewer. Kosmos 94.1 Nuus het gesels met Ishmile Kandjkodhe, die projekbestuurder, wat meer inligting gee.