Boere: so word jou koolstofvoetspoor bereken

‘n Koolstofvoetspoor-projek, Confronting Climate Change, het ‘n handelsmerk en webblad vir ‘n koolstofvoetspoor-toekenning ontwikkel. Met dié stelsel kan wyn- en vrugteboere nougeset hul koolstofvoetspoor bereken. ‘n Woordvoerder sê dié geleentheid gee erkenning aan alle boere en sakeondernemings in die sektor vir hul aandeel in die stryd teen klimaatverandering. Die inisiatief is ontwikkel om Suid-Afrika se wyn- en vrugtebedryf te ondersteun. Dit word gedoen deur die risiko’s en geleenthede rondom koolstofvrylating te identifiseer en te bestuur.