China se nuwe ambassadeur belowe steun aan vloedgeteisterde gemeenskappe

China se nuwe ambassadeur in Namibië, Zhao Weiping, sê China sal voortgaan om Namibië se maatskaplike en ekonomiese ontwikkeling te ondersteun deur die uitbreiding van bilaterale samewerking. Sy bekendstelling-seremonie in Windhoek is onder meer deur Namibiese stigterspresident Sam Nujoma, regeringsamptenare en prominente sakelui bygewoon. Ambassadeur Zhao het sy medelye met gemeenskappe wat geliefdes en eiendom tydens die vloede in die noorde van Namibië uitgespreek en steun aan die geraakte inwoners belowe.