Delta-vlug moes noodlanding doen na probleme met passasier

‘n Delta-vlug van Washington DC moes onderweg na Los Angeles ‘n noodlanding maak by die Will Rogers World-lughawe in Oklahoma City, nadat ‘n ontwrigtende passasier ‘n vlugkelner aangerand het. Arthur Gregory van die Oklahoma City-polisie het aan CNN gesê ‘n beampte aan boord van Vlug 324 is ook aangerand toe hy probeer het om die passasier in toom te hou. Toe die Boeing 757-200 land, het die FBI die man, in sy middel-dertigs verwyder en ondervra.