Huishoudelike skuld sal vir lank nog hoog bly

Die jongste syfers oor huishoudelike skuld toon dat huishoudings se skuld tot besteebare inkomste op sowat 89 persent beraam is. Die vlakke word as uiters hoog beskryf en plaas verdere druk op huishoudings. Volgens Salomo Hei, besturende direkteur van High Economic Intelligence, is baie van die skuld ook ou skuld en met stygende rentekoerse en lewensonkostes, kan dit nog ‘n geruime tyd duur voor die vlakke daal.