Krieket: Geen reën voorspel vir eendagwedstryd tussen SA en Windies

Krieket: Geen reën word vandag in Oos-Londen verwag nie waar die tweede eendagwedstryd tussen Suid-Afrika en die Windies vanmiddag op Buffalopark sal plaasvind. Dit volg nadat Donderdag se eerste kragmeting op dieselfde veld uitgereën het sonder dat ʼn enkele bal geboul is. Dit het die hele dag onafgebroke gereën en daar is nie eens geloot nie. Vandag se spel begin om een-uur. Die derde en laaste eendagwedstryd word Dinsdag in Potchefstroom gespeel. Suid-Afrika het die toetsreeks 2-0 ingepalm.