NEFF sê Swartbooi moet leer om stil te bly

Die Namibian Economic Freedom Fighters, bekend as NEFF, het gereageer op LPM-leier Bernadus Swartbooi se kommentaar dat die party, en ander, afkyk by Suid-Afrika. Die party se adjunkpresident Longinus Iipumbu, sê Swartbooi moet leer om stil te bly. Hy sê dit is betreurenswaardig dat Swartbooi ander partye moet verkleineer. Hy voeg by dat Swartbooi aandag soek deur ander sleg te sê maar hy vergeet hy het ander partye nodig om voor te kom in die noordelike dele van die land.