NGV binne 5 jaar onrealisties: gesondheidsminister

Gesondheidminister Aaron Motsoaledi sê om die volle funksionaliteit van die Nasionale Gesondheidsversekering te bereik binne die vyfjaartermyn van die regering van nasionale eenheid is onrealisties. Motsoaledi het die Parlement Vrydag toegespreek en gesê net om die fonds op te stel as ‘n openbare entiteit sal twee jaar neem. Terwyl geen bykomende befondsing tans vereis word nie, hang die vordering met die NGV af van Suid-Afrika se fiskale situasie. Motsoaledi lig die behoefte uit aan die geleidelike herleiding van befondsing en die ontwikkeling van ‘n ingewikkelde stelsel. Die Wet op die NGV en die regulasies is steeds hangende.