Tiener zama-zama het R80 000 se goud in onderbroek

‘n Minderjarige onwettige mynwerker wat Donderdagoggend, saam met ander jeugdiges, uit die nommer tienskag in Stilfontein gekom het, het goud wat in ‘n wit doek toegedraai was in sy onderbroek gehad. Die polisiewoordvoerder sê die ontdekking is tydens die ondervragingsproses gemaak. Sy het bevestig dat goud met ‘n beraamde waarde van 80 000 Suid-Afrikaanse rand om die tiener se privaat dele gevind is. Hy het omstreeks 11-uur Donderdagoggend uitgekom, saam met ‘n 16-jarige van Zimbabwe en ‘n 19-jarige van Mosambiek.