Uitvoere van verwerkte beesvleisprodukte styg met 76,9% in Mei

Wat verwerkte Namibiese vleisprodukte betref, het uitvoere van beesvleisprodukte in Mei 2022 met 76,9 persent op ‘n jaargrondslag toegeneem. Volgens Simonis Storm is 61,1 persent vewerkte beesvleisprodukte aan Europa verkoop, 23,9 persent aan China en die VSA, en 15,1 persent in Afrika verkoop. Skaapvleisproduk-uitvoere het in Mei met 96,3 persent op ‘n jaargrondslag toegeneem en is slegs aan Suid-Afrika verkoop, terwyl varkvleisproduk-uitvoere in Mei 2022 op agt ton aangeteken is, vergeleke met nul ton in Mei 2021.