Vooruitsigte vir Namibiese konstruksie lyk steeds beroerd

Vooruitsigte vir die Namibiese konstruksie-bedryf lyk steeds donker, aangesien minder bouplanne in Januarie goedgekeur is. Volgens Simonis Storm het die goedkeuring van bouplanne in Windhoek met 53,5 persent op ‘n jaargrondslag afgeneem, maar skerp in Swakopmund met 110 persent gestyg. Goedkeurings was hoofsaaklik vir aanbouings en nuwe residensiële eiendomme in beide Windhoek en Swakopmund, met slegs drie kommersiële planne wat in Windhoek goedgekeur is en geen in Swakopmund nie. Die waarde van goedgekeurde planne het altesaam 23,1 miljoen Namibiese dollar vir Januarie in Windhoek beloop, vergeleke met 49,2 miljoen in Desember 2022 en 139,2 miljoen dollar in Swakopmund, vergeleke met 53,8 miljoen in Desember.